दोलखा । तामाकोशी गाउँपालिकामा स्थानीय तह निर्वाचनका लागि मनोनयन दर्ताको पहिलो दिन आईतबार ७२ जनाले मनोनयन दर्ता गरेका छन् ।
विभिन्न राजनीतिक दल र स्वतन्त्र गरी पालिका अध्यक्षदेखि वडा सदस्यसम्म ७२ जनाले मनोनयन दर्ता गरेका तामाकोशी गाउँपालिकाका निर्वाचन अधिकृत बाबुराम खनालले जानकारी दिनुभयो । उहाँका अनुसार नेकपा एमाले, राप्रपा र एक स्वतन्त्र गरी ३ जनाले अध्यक्ष तथा एमाले र राप्रपा गरी २ जनाले उपाध्यक्ष पदमा मनोनयन दर्ता गराएका छन् ।
त्यस्तै वडा अध्यक्ष पदमा पनि एमाले, राप्रपा र स्वतन्त्र उम्मेद्वारले मनोनयन दर्ता गराएका छन् ।
वडा अध्यक्ष उम्मेद्वारहरु
वडा नं १ः नेकपा एमाले–१, राप्रपा–१, स्वतन्त्र–२
वडा नं २ः नेकपा एमाले–१, स्वतन्त्र–२
वडा नं ३ः नेकपा एमाले–१, स्वतन्त्र–२
वडा नं ४ः नेकपा एमाले–१, राप्रपा–१, स्वतन्त्र–१
वडा नं ५ः नेकपा एमाले–१, राप्रपा–१, स्वतन्त्र–२
वडा नं ६ः नेकपा एमाले–१, राप्रपा–१, स्वतन्त्र–२
वडा नं ७ः नेकपा एमाले–१
आईतबार ३ जना पालिका अध्यक्ष, २ जना उपाध्यक्ष, २२ जना वडा अध्यक्ष र विभिन्न दल र स्वतन्त्र गरी ४५ जनाले वडा सदस्य पदमा मनोनयन दर्ता गरेका निर्वाचन अधिकृत खनालले बताउनुभयो । उहाँका अनुसार आईतबार मनोनयन दर्ता गर्न बाँकी रहेका दलहरुले सोमबार मनोनयन दर्ता गर्न सक्नेछन् ।
