हेटौंडा । बागमती प्रदेशका मुख्यमन्त्री शालिकराम जम्कट्टेलले बुधबार मन्त्रीपरिषद् विस्तार तथा पुनर्गठन गर्नुभएको छ ।
११ सदस्यीय मन्त्रीपरिषद्मा मुख्यमन्त्रीसहित माओवादी केन्द्रबाट चार, नेकपा एमालेबाट चार र राप्रपाबाट तीनजना मन्त्री बनेका छन् । नवनियुक्त आठ मन्त्रीहरुले बुधबार दिउँसो प्रदेश प्रमुख यादवचन्द्र शर्मा समक्ष पद तथा गोपनीयताको सपथ लिनुभएको छ ।
यसअघि मुख्यमन्त्री शालिकराम जम्कट्टेल, आर्थिक मामिला तथा योजना मन्त्री जगन्नाथ थपलिया र खानेपानी उर्जा तथा सिँचाई मन्त्री उद्धब थापाले पद तथा गोपनीयताको सपथ ग्रहण गरिसक्नुभएको छ ।
पुनर्गठित मन्त्रीपरिषद्को विवरणः
शालिकराम जम्कट्टेल – मुख्यमन्त्री, माओवादी केन्द्र
जगन्नाथ थपलिया – आर्थिक मामिला तथा योजना मन्त्री, एमाले
उद्धब थापा – खानेपानी उर्जा तथा सिँचाई मन्त्री, राप्रपा
गङ्गा नारायण श्रेष्ठ – आन्तरिक मामिला तथा कानुन मन्त्री, माओवादी केन्द्र
कुमारी मोक्तान – सामाजिक विकास मन्त्री, माओवादी केन्द्र
युवराज दुलाल – भौतिक पूर्वाधार विकास मन्त्री, माओवादी केन्द्र
केशव प्रसाद पोखरेल – कृषि तथा पशुपंछी विकास मन्त्री, एमाले
रामेश्वर श्रेष्ठ – स्वास्थ्य मन्त्री, एमाले
एकालाल श्रेष्ठ – श्रम रोजगार तथा यातायात मन्त्री, एमाले
डम्बर तामाङ – पर्यटन उद्योग तथा सहकारी मन्त्री, राप्रपा
राजु विष्ट – वन तथा वातावरण मन्त्री, राप्रपा
