दोलखा । प्रगतिवादी विचारधाराका लेखक तथा साहित्यकारहरुको साझा सङ्गठन प्रगतिशील लेखक सङ्घ नेपाल दोलखाको अध्यक्षमा पत्रकार तथा लेखक तारा बहादुर महत सर्वसम्मत रुपमा निर्वाचित हुनुभएको छ ।
बुधबार चरिकोटमा सम्पन्न पाँचौं जिल्ला भेलाले महतको अध्यक्षतामा १३ सदस्यीय कार्यसमिति सर्वसम्मत रुपमा चयन गरेको निवर्तमान अध्यक्ष सुन्दर खड्काले जानकारी दिनुभयो । समितिको सचिव थप गर्नेगरी नयाँ कार्यसमिति चयन गरेको हो । समितिको उपाध्यक्ष समिरा बस्नेत, सहसचिव रोशन योगी, कोषाध्यक्ष नविन पोखरेल रहनुभएको छ ।
त्यसैगरी सदस्यहरु विमल खड्का, जीवन शर्मा, बिर्सम श्रेष्ठ, याङ्डोमा शेर्पा, इन्दिरा थामी, निलिशा थापा र लक्ष्मी भुजेल रहनुभएको छ । कार्यसमितिको कार्यकाल तीन बर्षको हुनेछ ।
सङ्घका जिल्ला अध्यक्ष सुन्दर खड्काको अध्यक्षतामा सम्पन्न उद्घाटन सत्रमा प्रगतिशील लेखक सङ्घ नेपालका केन्द्रीय सचिवालय सदस्य तथा बागमती प्रदेश इन्चार्ज डाक्टर कृष्ण सुवेदी, भीमेश्वर नगरपालिकाकी उपप्रमुख कमला बस्नेत, सङ्घका बागमती प्रदेश अध्यक्ष हरि प्रसाद सिलवाल, केन्द्रीय सचिवालय सदस्य दिनेश दुलाल, कार्यसमिति सदस्य विनिता शिवाकोटी लगायतले शुभकामना मन्तव्य व्यक्त गर्नुभएको छ ।
