दोलखा । चरिकोटस्थित गौरीशङ्कर बहुमुखी क्याम्पसको स्ववियु अध्यक्षमा नेकपा एमाले निकट अनेरास्ववियुका शिरिष बस्नेत बिहीबार निर्विरोध निर्वाचित हुनुभएको छ ।
मनोनयका लागि तोकिएको समयमा सबै पदमा आवश्यक संख्यामा मात्र उम्मेद्वारी परेपछि निर्वाचन समितिले अध्यक्ष बस्नेतसहित १५ सदस्यीय स्ववियु निर्विरोध निर्वाचित भएको घोषणा गरेको हो । समितिको उपाध्यक्षमा डेनिश शिवाकोटी, सचिव राजेन्द्र भुजेल, सहसचिव राजकुमार भुजेल, कोषाध्यक्ष कञ्चन तामाङ रहेका छन् ।
त्यसैगरी सदस्यहरु सुस्मिता नेपाली, सुशिल अधिकारी, पृथ्वीराज तामाङ, बिमल खड्का, पदमकुमारी बुढाथोकी, राजन खड्गी, सुरज नेपाली, किशोर थामी, हेमन्त कुमार पाख्रिन र भेष बहादुर बुढाथोकी रहेका छन् ।
जिल्लामा क्रियाशील विद्यार्थी सङ्गठनहरुले भागवण्डामा नेतृत्व लिने रणनीति अपनाएपछि निर्विरोध सर्वसम्मत रुपमा नेतृत्व चयन भएको हो । निर्वाचन कार्यतालिका अनुसार चैत्र १८ गतेका लागि मतदान कार्यक्रम रहेको थियो ।
विद्यार्थी सङ्गठनको भागबण्डाको विवरण यस्तो छ ।
